Nirmal Metro – Best Gujarati Newspaper – Daily – ગુજરાતી સમાચાર – Gujarat
Gujarat

ગુજરાતના હવામાનના પલટાની સાથે ત્રણ દિવસ વરસાદની આગાહી

૨૯ અને ૩૦ ઓક્ટોબરે વરસાદ થવાની શક્યતા

આ ચક્રવાત ઉત્તર પ્રદેશ સુધી પહોંચી શકે છે અને આગામી બે દિવસમાં ત્યાંના ઘણા શહેરોમાં ભારે વરસાદ લાવી શકે

(સંપૂર્ણ સમાચાર સેવા)
નવી દિલ્હી, તા.૨૮ ઓક્ટોબર ૨૦૨૬ — સાયક્લોન અર્નબ દક્ષિણ ભારતમાં લેન્ડફોલ થઈ ગયું છે. હવે આ ચક્રવાત ઉત્તર ભારતમાં ભારે તબાહી મચાવવા માટે આગળ વધી રહ્યું છે. આગામી ૪૮ કલાક ઘણા રાજ્યો માટે નિર્ણાયક સાબિત થઈ શકે છે; ખાસ કરીને દિલ્હી, ઉત્તર પ્રદેશ, મધ્ય પ્રદેશ અને બિહાર જેવા વિસ્તારોમાં અર્નબની સૌથી વધુ અસર જોવા મળવાની પ્રબળ શક્યતા છે. ભારતીય હવામાન વિભાગ (ૈંસ્ડ્ઢ) એ આ ચક્રવાતના સંભવિત માર્ગ વિશે માહિતી આપી છે, જે મુજબ ૨૯ અને ૩૦ ઓક્ટોબરે ભારે વરસાદ થવાની શક્યતા છે. ત્યારે આ ચક્રવાતની અસર ગુજરાત પર પણ પડી શકે છે. ગુજરાતના હવામાનના પલટાની સાથે ત્રણ દિવસ વરસાદની આગાહી હવામાન વિભાગે આપી છે.

આ ચક્રવાત ઉત્તર પ્રદેશ સુધી પહોંચી શકે છે અને આગામી બે દિવસમાં ત્યાંના ઘણા શહેરોમાં ભારે વરસાદ લાવી શકે છે. પશ્ચિમ ઉત્તર પ્રદેશ, દિલ્હી, પૂર્વ અને પશ્ચિમ મધ્ય પ્રદેશ તેમજ પૂર્વ રાજસ્થાનમાં હવામાનની સ્થિતિ અત્યંત પડકારજનક રહેવાની શક્યતા છે. બિહારના કેટલાક ભાગોમાં પણ તેજ પવન સાથે વરસાદ પડી શકે છે. આના પરિણામે તાપમાનમાં અચાનક ઘટાડો થશે અને ઉત્તર-પશ્ચિમ તથા ઉત્તર-પૂર્વના આ રાજ્યોમાં ઠંડીનું પ્રમાણ વધશે. ભારતીય હવામાન વિભાગના જણાવ્યા અનુસાર, ચક્રવાત અર્નબ સંપૂર્ણ તીવ્રતા સાથે આંધ્ર પ્રદેશના દરિયાકાંઠે ત્રાટક્યું છે. દરિયાકાંઠાના વિસ્તારો હાલમાં વાવાઝોડાના માર્ગમાં છે, જેના કારણે રહેવાસીઓને સુરક્ષિત સ્થળોએ ખસેડવા માટે બચાવ કામગીરી હાથ ધરવામાં આવી રહી છે. ૈંસ્ડ્ઢના અનુમાન મુજબ, આગામી ૪૮ કલાક દરમિયાન આ ચક્રવાત ઉત્તર-પશ્ચિમ દિશામાં આગળ વધશે. તે બાપટલા અને વિશાખાપટ્ટનમ વચ્ચેના દરિયાકાંઠાને પાર કરીને મધ્ય પ્રદેશ તરફ અને ત્યારબાદ ઉત્તર પ્રદેશ તથા દિલ્હી તરફ આગળ વધશે. શરૂઆતમાં પવનની ગતિ ૧૧૫ થી ૧૨૫ કિમી પ્રતિ કલાકની વચ્ચે રહેશે, જે ઝાપટાં સ્વરૂપે ૧૪૦ કિમી પ્રતિ કલાક સુધી પહોંચી શકે છે. એકવાર જમીન પર ત્રાટકવાનું પૂર્ણ થઈ જાય, પછી સિસ્ટમ મેદાનોમાં જશે અને નબળી પડવાનું શરૂ કરશે.

ૈંસ્ડ્ઢ ના રૂટ મેપ મુજબ, તે દક્ષિણથી ઉત્તરપશ્ચિમ તરફ અને ત્યારબાદ ઉત્તર તરફ આગળ વધશે. તે પહેલા આંધ્રપ્રદેશના દરિયાકાંઠાના અને આંતરિક જિલ્લાઓમાંથી પસાર થશે, પછી તેલંગાણા અને છત્તીસગઢ તરફ આગળ વધશે. ત્યારબાદ, તે ઉત્તર પ્રદેશની સરહદોમાં પ્રવેશતા પહેલા મધ્યપ્રદેશના ભાગોમાંથી પસાર થશે. મેદાનો સુધી પહોંચતા તે થોડું નબળું પડી શકે છે, તેમ છતાં તે ઘણા શહેરોને અસર કરશે અને ભારે વરસાદ શરૂ કરવાની ક્ષમતા ધરાવે છે. હવામાન વિભાગના જણાવ્યા પ્રમાણે, આગામી ૨૪ કલાક રાજ્યના તાપમાનમાં કોઈ મોટા ફેરફારની શક્યતા વ્યક્ત કરવામાં આવી નથી. જોકે, તે બાદ બેથી ત્રણ ડિગ્રી તાપમાન ઘટવાની આગાહી છે. જેથી ગુજરાતના વાતાવરણમાં ઠંડક પ્રસરી શકે છે અને ગુજરાતીઓને ગુલાબી ઠંડીનો અનુભવ થઈ શકે છે. આ સાથે ગુજરાતમાં આગામી ત્રણ દિવસ વરસાદની આગાહી આપવામાં આવી છે.

Related posts

૧૫મી ગુજરાત વિધાનસભાની ૧૯ સમિતિની જાહેરાત થઈ

Master Admin

અમદાવાદનું વાઈબ્રન્ટ ફેસ્ટિવ કલ્ચર શહેરની આગવી સાંસ્કૃતિક ઓળખ તરીકે ઉભરી આવ્યું છે: સ્કાયસ્કેનરનો ખુલાસો

Master Admin

કરોડોનું લાઈટબિલ ઘટાડવા માટે અમદાવાદ પાલિકાનો મેગા પ્લાન

Master Admin

Leave a Comment

Translate »